உடலில் ஹிமோகுளோபின் அதிகரிக்க இவைகளே சிறந்த உணவுகள்..!!

நமது உடலில் புதிய ரத்தம் உருவாவதற்கு தேவையான சத்துக்கள் என்னெவென்று அறிந்து கொள்ளுங்கள்…ஹிமோகுளோபின் அதிகரிக்க 10 உணவுகள்.. அந்த சத்துக்கள் உடலில் சேர தவிர்க்கவேண்டிய உணவுகள்..!

இப்பொழுது நிறைய பேர் சந்திக்கக்கூடிய ஒன்று ரத்த சோகை. (அனீமியா) என்று சொல்லக்கூடிய ரத்தசோகை. ஏற்படுவதற்கு நிறைய காரணங்கள் இருந்தாலும் கூட மிக முக்கியமான காரணம் என்னவென்றால் ஊட்டச்சத்து குறைபாடுதான் அதாவது புதிய சிவப்பணுக்கள் உடலில் உருவாவதற்கு தேவையான சத்துக்கள் உடலில் பற்றாக்குறையாக இருப்பதுதான்  இதற்கு காரணம்.

இரும்புச்சத்து , விட்டமின் சி, போலிக் அமிலம், வைட்டமின் பி12, புரதம் இந்த 5 சத்துக்களும் ஒன்றாக சேர்ந்து தான் உடலில் புதிய ரத்தம் உருவாகும். இந்த சத்துக்கள் தான் உடலில் புதிய ரத்தம் உருவாவதற்கு தேவையான அடிப்படை ஆகும்.

இந்த சத்துக்கள் அடங்கிய உணவுகளை நாம் தேர்ந்தெடுத்து சாப்பிடும் பொழுது உடலில் புதிய ரத்தம் உருவாகும். இதன் மூலமாக உடலில் ரத்த அளவுகளும் சீராகவே இருக்கும். ரத்த சோகையும் குணமாகும்.

உடலில் புதிய இரத்தம் உருவாவதற்கு சாப்பிட வேண்டிய 10 சிறந்த உறவு உணவுகள் என்ன என்று பார்ப்போம்….

1. கருப்பு திராட்சை:

கருப்பு திராட்சையில் அதிகப்படியான இரும்புச் சத்தும், பொட்டாசியமும் அடங்கியிருக்கும். இது உடலில் ஹீமோகுளோபின் அதிகரிக்க வேண்டும் என்று நினைப்பவர்கள் ஒரு கையளவு கருப்பு திராட்சையை முதல் நாள் இரவில் நீரில் ஊறவைத்து மறுநாள் காலையில் அந்த திராட்சையும், திராட்சை ஊறிய நீர் ஊற்றி  மிக்ஸியில் போட்டு அரைத்து காலை வெறும் வயிற்றில் சாப்பிட்டு வர வேண்டும்.இந்த கருப்பு திராட்சையை தொடர்ந்து வெறும் வயிற்றில் சாப்பிட்டு வந்தால் இரத்தம் வேகமாக அதிகரிக்கும்.

2. மாதுளை ஜூஸ் பழங்கள்:

அதிகளவில் இரும்புச்சத்து இருக்கிறது இந்த பழங்களில். அது மட்டுமில்லாமல் ஏராளமான விட்டமின் மற்றும் மினரல்களும் அடங்கியிருக்கும் மாதுளை என்றதுமே சிவப்பு நிறத்தில் இருக்கக்கூடிய சீட்லெஸ் மாதுளை வாங்கி சாப்பிடக்கூடாது. நாட்டு மாதுளை அதாவது விதையுள்ள தடித்த மாதுளை தான் சாப்பிட வேண்டும். இந்த மாதுளையை அப்டியேவும் சாப்பிடலாம் அல்லது ஜூஸாக அரைத்து சாப்பிடலாம். தினமும் ஒரு மாதுளை  சாப்பிட்டு வந்தால் மிகவும் நல்லது.

3. பீட்ரூட் ஜூஸ்:

காய்கறி வகைகளில் பீட்ரூட்டில் அதிக இரும்புச்சத்து இருப்பதால் பீட்ரூட்டை மதிய உணவுகளில் பொரியலாகவோ, அல்லது ஜூஸாக எடுத்துக் கொள்ளலாம்.

4.மட்டன் மற்றும் ஆட்டு ஈரல்:

இதில் அதிகப்படியான இரும்புச்சத்து, புரதம் மற்றும் விட்டமின் பி, உள்ளடங்கி இருக்கும். இந்த மூன்று சத்துக்களும் அடங்கிய ஒரே உணவு இந்த ஈரல் மட்டும்தான். அசைவம் சாப்பிடுபவர்கள் தினமும் தவறாமல் ஒரு 50 கிராம் ஈரல் மதிய உணவுகளில் இருக்கிற மாதிரி பார்த்துக் கொள்ளுங்கள், மிகவும் நல்லது.

5. கீரை வகைகள்:

எல்லா வகைக் கீரைகளும் சாப்பிட்டு வரலாம். அதிகம் குறிப்பாக முருங்கைக் கீரையில் தான் அதிக அளவு இரும்புச்சத்து இருக்கிறது. இரத்தம் வேகமாக ஊற வேண்டும் என்று நினைப்பவர்கள் முருங்கைகீரையை சாப்பிட்டு வந்தால் மிகவும் நல்லது. முருங்கை கீரை சாப்பிட பிடிக்காதவர்கள் முருங்கைக்காயை பொரியலாகச் செய்து சாப்பிட்டு வரலாம். இதுவும் இரத்தம் ஊறுவதற்கு மிகவும் உதவியாக இருக்கும்.

6.சிட்ரஸ் பழங்கள்:

சிட்ரஸ் பழங்களான எலுமிச்சை, சாத்துக்குடி, கமலா ஆரஞ்சு போன்ற பழங்கள் சாப்பிட்டு வந்தால் மிகவும் நல்லது. இந்த சிட்ரஸ் பழங்களில் வைட்டமின் சி அதிகமாக இருக்கிறது. விட்டமின் சி நாம் சாப்பிட்ட உணவுகளில் இருக்கக்கூடிய இரும்புச் சத்துக்கள் அனைத்தும் உடல் உறிஞ்சுவதற்கு உதவியாகவே இருக்கக்கூடிய சத்து விட்டமின் சி.

இரும்புச்சத்துள்ள உணவுகளை எடுக்கும் பொழுது கண்டிப்பாக விட்டமின் சி எடுத்துக்கொள்ள வேண்டும். அப்பொழுதுதான் இரும்புச்சத்து உடலில் முழுமையாக போய் சேரும். தினமும் இந்த பழங்களை சாப்பிட்டு வரலாம், அல்லது ஜூஸ் குடித்து வரலாம். விட்டமின் சி நெல்லிக்காவில் இருக்கும். அம்லா ஜூஸ் போட்டும் நீங்கள் தினமும் குடித்து வரலாம்.

7. பேரிச்சம்பழம்:

அதிகப்படியான பொட்டாசியம் இரும்புச் சத்தும் அடங்கி இருக்கும். இதுதவிர ஏராளமான விட்டமின் மற்றும் மினரல்களும் அடங்கியிருக்கும். உடலுக்கு உடனடியாக எனர்ஜி கொடுக்கக் கூடிய பலம் இந்த பேரிச்சம் பழம். உடல் சோர்வு அதிகம் இருப்பவர்கள் இந்த பேரிச்சம் பழத்தை சாப்பிட்டு வந்தால் உடல் சுறுசுறுப்பாகவும், புத்துணர்ச்சியுடனும் இருக்கும். பேரீச்சையும் அவ்வப்போது ஸ்னாக்ஸ் நேரத்தில்  சாப்பிட்டு வரலாம்.

8. அத்திப்பழம்:

அத்தி பழம் தினமும் அதிகப்படியான இரும்புச்சத்து அடங்கிய ஒரு பழம். இந்த அத்திப் பழங்களை தேனில் ஊற வைத்து சாப்பிட்டு வரும் பொழுது உடலுக்கு ரொம்ப நல்லது. தேனில் கலந்து இந்த அத்தி பழத்தை சாப்பிடும் பொழுது நாம் சாப்பிட்ட உணவில் இருக்கக்கூடிய அத்தனை சத்துக்களும் உடலில் ஏறுவதற்கு ரொம்பவே உதவியாகவே இருக்கும்.

9. நாட்டுக்கோழி முட்டை: