உங்கள் பழைய போனை விற்க விரும்பினால் அதன் விலையைப் பற்றி நீங்களே தெரிந்து கொண்டு எளிதாக விற்கலாம்.
தற்போதைய காலகட்டத்தில் அனைவரும் செல்போன் பயன்படுத்தி வருகிறார்கள். செல்போன் என்பது அனைவரின் வாழ்க்கையிலும் இன்றியமையாத பொருளாக மாறிவிட்டது. அவ்வாறு செல்போன் வாங்குபவர்கள் பல்வேறு மாடல்களை வாங்குகிறார்கள். அதில் பலரும் எக்சேஞ்ச் முறையில் புதிய போன்களை வாங்குகின்றனர். அவர்களால் தங்களது பழைய மொபைலின் தற்போதைய சந்தை விலையை தெளிவாக அறிய முடியவில்லை. ஆன்லைன் தளங்களில் அதிகபட்ச விலை மட்டுமே உள்ளது. பலரும் தங்கள் பழைய போனை எக்ஸ்சேஞ்ச் செய்து புதிய மொபைல் வாங்க தான் விரும்புகிறார்கள்.
அப்படி மொபைல் வாங்க விரும்புபவர்கள் தங்கள் பழைய மொபைலின் விலையை அறிந்து கொள்வது நல்லது. பெரும்பாலான இடங்களில் மொபைலை எக்ஸ்சேஞ்ச் செய்யும் போதோ அல்லது விற்க முயலும் போதோ மிகக் குறைவான விலைக்கு மொபைலை கேட்பார்கள். ஆனால் மிகக் குறைவான விலைக்கு நம்மிடம் மொபைலை வாங்கி விட்டு அதில் உள்ள நல்ல திறன் கொண்ட ஹார்ட்வர்களை தனித்தனியாக பிரித்து விட்டு அதிக லாபம் சம்பாதித்து விடுவார்கள். பெரும்பாலான மொபைல் சரிபார்க்கும் கடைகளில் நமது மொபைலை சரிசெய்ய கொடுக்கும்போது ஏற்கனவே பழைய மொபைல்களில் இருந்து சில ஹார்டுவர் பொருள்களை எடுத்து மாற்றித் தருவார்கள். அதை நாமே கேட்டிருப்போம்.
இதே போன்றுதான் நாம் விற்கும் மொபைலை தனித்தனியாக பிரித்து பெரிய லாபம் காண்பார்கள். உங்கள் மொபைல் எவ்வளவு விலைக்கு போகும் என்பதை நீங்களே அறிந்து கொள்ளலாம். இதற்கு cashify உதவுகிறது.அதற்கு Cashify யில் ஏறக்குறைய 90 சதவீதம் சரியான விலையை எளிதாக தெரிந்து கொள்ள முடியும். அதனால் cashifyயில் சென்று நீங்கள் உங்கள் மொபைலை டைப் செய்து உங்கள் மொபைல் எவ்வளவு விலைக்கு போகும் என்பதை நீங்களே தெரிந்து கொள்ள முடியும். அதனால் இனிமேல் உங்கள் பழைய போனை கொடுத்து ஏமாறாமல் சரியான விலைக்கு விற்று பயனடையுங்கள்.