உங்க பூஜையறையில் இத மட்டும் மறக்காம பண்ணுங்க… இறைவனின் அருள் கிடைக்கும்.. !!!

பூஜை அறையில் பின்பற்ற வேண்டிய சில குறிப்புகள் உங்களுக்காக விரிவாக கொடுக்கப்பட்டுள்ளது.

ஒவ்வொரு வீட்டிலும் பூஜை அறையை பராமரிப்பது என்பது மிகவும் அவசியம். அதில் சில குறிப்பிட்ட நாட்களில் பூஜைக்கு தேவையான பொருட்களையும் நன்றாக சுத்தம் செய்ய வேண்டும். அவ்வாறு செய்து இறைவனை வழிபடும் போது நமக்கு நன்மைகள் கிடைக்கும். அதன்படி சில பூஜை குறிப்புகள் உங்களுக்காக கொடுக்கப்பட்டுள்ளது. பூஜைக்கு வாங்கிய வெற்றிலையை ஒரு பித்தளை டம்ளரில் வைத்து கவிழ்த்து மூடி வையுங்கள். வெற்றிலை வாடாமல் இருக்கும்.

சாமிக்கு அகல் விளக்கு அல்லது குத்து விளக்கு ஏற்றும் போது எண்ணெயில் சிறிது கல் உப்பைப் போட்டால் விளக்கு நன்கு சுடர்விட்டு பிரகாசமாக எரியும். பூஜை அறையில் இருக்கும் விளக்கு அதிக நேரம் எரிய ஒரு தேக்கரண்டி விளக்கெண்ணையும், நல்லெண்ணையும் கலந்து ஏற்ற வேண்டும். இவ்வாறு பூஜை அறையில் செய்து வந்தால் இறைவனின் அருள் உங்களுக்கு கிடைக்கும்.