இந்தியாவில் உள்ள அனைவருக்கும் ஆதார் கார்டு என்பது மிக முக்கியமான ஆவணம். ஆதார் கார்டு இல்லாமல் எதுவுமே இல்லை என்று ஆகிவிட்டது. அவ்வாறு முக்கியமாக உள்ள ஆதார் கார்டில் உள்ள போட்டோ பெரும்பாலும் அவரவருக்கு பிடித்த ஒன்றாகவே இருக்கும். அது தெளிவாகவும் இருக்காது. இதனால் நிறைய பேர் தங்களது ஆதார் கார்டில் சமீபத்திய புகைப்படத்தை அப்டேட் செய்யலாம் என்று நினைப்பார்கள். அது மிகவும் சுலபம் தான். ஆதாரில் உள்ள பெயர் மற்றும் முகவரி போன்ற விவரங்களை ஆன்லைன் மூலமே அப்டேட் செய்து விடலாம். ஆனால் கைரேகை மற்றும் புகைப்படம் போன்ற வற்றை ஆதார் சேவை மையத்தில் தான் அப்டேட் செய்ய முடியும். ஆன்லைன் மூலமாக ஆதாரில் புகைப்படத்தை மாற்றுவதற்கான என்ரோல்மெண்ட் பதிவு செய்து கொள்ளலாம்.
அதற்கு முதலில் ஆதார் அமைப்பின் UIDAI வெப்சைட்டில் ஆதார் என்ரோல்மெண்ட் படிவத்தை பதிவிறக்கம் செய்ய வேண்டும்.
அதில் கேட்கப்படும் விவரங்களைப் பூர்த்தி செய்து அருகிலுள்ள ஆதார் சேவை மையத்தில் சமர்ப்பிக்க வேண்டும்.
ஆதார் சேவை மையத்தில் உங்களுடைய விவரங்கள் சரிபார்க்கப்பட்டு, கைரேகை எடுக்கப்பட்டு நேரடியாக அங்கு ஒரு புகைப்படம் எடுக்கப்படும்.
ஆதாரில் போட்டோ மாற்றுவதற்கு நீங்கள் 100 ரூபாய் செலுத்த வேண்டியிருக்கும். ஜிஎஸ்டியும் வசூலிக்கப்படும்.
ஆதார் கார்டில் போட்டோ மாற்றுவதற்கு எந்த ஆவணங்களும் வழங்கத் தேவையில்லை. அதேபோல, உங்களுடைய வேறு புகைப்படத்தையும் கொடுக்க முடியாது. நேரடியாகவே போட்டோ எடுப்பார்கள்.
ஆதாரில் போட்டோ அப்டேட் ஆவதற்கு அதிகபட்சம் 90 நாள் வரை ஆகும். அதன் பிறகு புதிய ஆதார் கார்டு பிரிண்ட் எடுத்துக் கொள்ளலாம்.