டெல்லியில் இ-சைக்கிள் வாங்கும் முதல் 10 ஆயிரம் பேருக்கு 5,500ரூபாய் மானியம் வழங்கப்படும் என்றும் அதில் முதல் 1000 பேருக்கு 2000 ரூபாய் கூடுதல் மானியம் வழங்கப்படும் என்றும் அம்மாநில அரசு அதிரடியாக அறிவித்துள்ளது. இதுகுறித்து டெல்லி போக்குவரத்து துறை அமைச்சர் கூறுகையில், டெல்லியில் இ சைக்கிள் வாங்கும் முதல் 10 ஆயிரம் பேருக்கு தலா 5,500 மானியமாக வழங்கப்படும்.
அதில் முதல் 1000 பேருக்கு 2000 ரூபாய் கூடுதலாக வழங்கப்பட உள்ளது. மேலும் வர்த்தக பயன்பாட்டிற்கான கார்கோ இ-சைக்கிள் வாங்கும் முதல் 5 ஆயிரம் வாடிக்கையாளர்களுக்கு 15 ஆயிரம் ரூபாய் வழங்கப்படும். இந்த வாகனங்களை வாங்கும் நிறுவனம் அல்லது கார்ப்பரேட் நிறுவனங்களுக்கு 30 ஆயிரம் மானியமாக வழங்கப்படுகிறது. அரசு வெளியிட்டுள்ள இந்த அறிவிப்பு பொதுமக்கள் மத்தியில் நல்ல வரவேற்ப்பை பெற்றுள்ளது.