பெண்ணை ஆற்றில் மூழ்கடித்து கொலை முயற்சி செய்த இளைஞன் காவல்துறையினரால் கைது செய்யப்பட்டுள்ளார்
கனடா கிரான்பெரி கிராமத்தில் அலெக்ஸாண்டர் என்ற இளைஞன் திடீரென இளம்பெண் ஒருவரை தரதரவென இழுத்துச் கொண்டு அங்கிருந்த ஆற்றின் அருகே சென்று உள்ளார். பின்னர் அந்த பெண்ணின் தலையை தண்ணீரில் மூழ்க செய்துள்ளார். இதனை பார்த்த அந்தப் பகுதி மக்கள் உடனடியாக அலெக்சாண்டரை தடுத்து அந்தப் பெண்ணை மீட்டு மருத்துவமனைக்கு அனுப்பி வைத்தனர். பின்னர் காவல்துறையினரால் அலெக்சாண்டர் கைது செய்யப்பட்டார்.
மருத்துவமனைக்கு அனுப்பி வைக்கப்பட்ட பெண் சிகிச்சை எடுத்து வரும் நிலையில் அலெக்சாண்டர் மீது உடல்ரீதியாக தீங்கு விளைவித்தல், கொலை முயற்சி, மூச்சுத் திணறல் ஏற்படுத்துதல் போன்ற குற்றங்களின் கீழ் வழக்கு பதிவு செய்யப்பட்டுள்ளது. மேலும் செவ்வாய்க்கிழமை அலெக்சாண்டர் நீதிமன்றத்தில் ஆஜர்படுத்தப்பட இருப்பதாக காவல்துறையினர் தெரிவித்துள்ளனர்.