செல்வராகவன் இயக்கத்தில் தனுஷ் நடிக்கும் நானே வருவேன் திரைப்படம் இறுதி கட்டத்தை எட்டியுள்ளதாக தகவல் வெளியாகி உள்ளது.
தமிழ் சினிமாவில் முன்னணி நடிகரான தனுஷ் தற்போது தன் அண்ணன் செல்வராகவன் இயக்கத்தில் நானே வருவேன் திரைப்படத்தில் நடித்து வருகின்றார். இப்படத்திற்கு யுவன் சங்கர் ராஜா இசையமைக்கின்றார். எஸ்.தாணு தயாரிக்கும் இப்படத்தின் படப்பிடிப்பு இறுதி கட்டத்தை நெருங்கி உள்ளதாக தகவல் வெளியாகி உள்ளது.
இத்திரைப்படத்தில் செல்வராகவன் வில்லனாக நடிக்க இருப்பதாக செய்தி வெளியாகி உள்ள நிலையில் தனது ட்விட்டர் பக்கத்தில் அவர் “நானே வருவேன்” என கேப்ஷன் கொடுத்து தன்னுடைய புகைப்படத்தை பகிர்ந்திருக்கிறார். இதைப்பார்த்த ரசிகர்கள் படத்தில் இந்த கெட்டப்பில் தான் செல்வராகவன் தோற்றமளிப்பாரா என ஆர்வத்துடனும் கமெண்ட் செய்து வருகின்றனர்.