கவுதம் மேனன் இயக்கத்தில் தயாராகும் “வெந்து தணிந்தது காடு” திரைப்படத்தில் நடிகர் சிம்பு நடித்து வருகிறார். இந்த படத்தின் படப்பிடிப்பு தற்போது மும்முரமாக நடைபெற்று வருகிறது. இதற்கு முன்பாக இந்த கூட்டணியில் வெளியாகிய விண்ணைத் தாண்டி வருவாயா, அச்சம் என்பது மடமையடா ஆகிய படங்கள் வெளியாகி நல்ல வரவேற்பை பெற்றது. இப்போது உருவாகி வரும் இந்தகூட்டணியின் படத்த்தை பார்க்க ரசிகர்கள் பெரும் எதிர்பார்ப்புடன் இருக்கின்றனர்.
இப்படத்திற்கு ஏ.ஆர்.ரகுமான் இசை அமைக்கிறார். இந்த திரைப்படத்தின் டீசர் வெளியாகி ரசிகர்களிடையே நல்ல வரவேற்பை பெற்றது. இதன் காரணமாக ரசிகர்கள் மத்தியில் திரைப்படத்தின் மீதான எதிர்பார்ப்பு அதிகரித்து உள்ளது. இப்படத்தின் இறுதிகட்ட படப்பிடிப்பு நடந்து வரும் சூழ்நிலையில், இந்த வாரத்தில் படப்பிடிப்பு முடிந்துவிடும் என்று கூறப்படுகிறது.
