இயக்குனர் மற்றும் நடிகருமான பார்த்திபன் இயக்கி நடித்துள்ள படம் “இரவின் நிழல்” ஆகும். இதில் வரலக்ஷ்மி சரத்குமார், ரோபோ ஷங்கர் போன்றோர் முக்கியமான கதாபாத்திரத்தில் நடித்து உள்ளனர். இந்த திரைப்படம் நான் லீனியர் திரைக்கதை முறையில் ஒரே ஷாட்டில் எடுக்கப்பட்ட உலகின் முதல் படம் என்ற பெருமையை பெற்றிருகிறது. அகிரா புரொடக்ஷன்ஸ் தயாரித்துள்ள இந்த படத்திற்கு ஏ.ஆர் ரஹ்மான் இசை அமைத்துள்ளார்.
இந்த படம் ஜூலை 15ம் தேதி திரையரங்குகளில் வெளியாகும் என்று அறிவிக்கப்பட்டுள்ளது. அண்மையில் இதன் டிரைலர் மற்றும் பாடல்கள் வெளியாகி ரசிகர்கள் மத்தியில் நல்ல வரவேற்பை பெற்றது. இந்த நிலையில் இப்படத்தின் மேக்கிங் வீடியோவை படக்குழு வெளியிட்டு உள்ளது. பெரும் எதிர்பார்ப்பில் உருவாகி உள்ள இந்த படத்தின் மேக்கிங் வீடியோ இப்போது வைரலாகி வருகிறது.