இயக்குனர் வெங்கட்பிரபு தனது அடுத்த படம் குறித்த அறிவிப்பை வெளியிட்டுள்ளார்.
தமிழ் திரையுலகில் இயக்குநர் வெங்கட்பிரபு சென்னை 600028 படத்தின் மூலம் இயக்குனராக அறிமுகமானவர். இதைத்தொடர்ந்து இவர் கோவா, சரோஜா உள்ளிட்ட பல திரைப்படங்களை இயக்கினார் . மேலும் கடந்த 2011-ஆம் ஆண்டு வெங்கட் பிரபு இயக்கத்தில் அஜித் நடிப்பில் வெளியான மங்காத்தா திரைப்படம் சூப்பர் ஹிட் அடித்தது. சமீபத்தில் இயக்குனர் வெங்கட் பிரபு லைவ் டெலிகாஸ்ட் என்ற வெப் தொடரை இயக்கியிருந்தார். காஜல் அகர்வால், வைபவ், ஆனந்தி உள்ளிட்டோர் நடித்த இந்த வெப் தொடர் டிஸ்னி பிளஸ் ஹாட்ஸ்டாரில் வெளியானது.
A Venkat Prabhu ‘QUICKIE’ #VP10 @Rockfortent #BlackTicketCompany
— venkat prabhu (@vp_offl) May 28, 2021
தற்போது இயக்குனர் வெங்கட் பிரபு நடிகர் சிம்புவின் மாநாடு படத்தை இயக்கி வருகிறார். இந்த படத்தின் டீஸர் வெளியாகி ரசிகர்களிடையே நல்ல வரவேற்பை பெற்றது. இந்நிலையில் இயக்குனர் வெங்கட் பிரபுவின் அடுத்த படம் குறித்த அறிவிப்பு வெளியாகியுள்ளது. இந்த படத்தை ராக்போர்ட் என்டர்டெய்ன்மெண்ட் நிறுவனம் தயாரிக்கிறது. விரைவில் இந்த படத்தில் நடிக்கும் நடிகர்கள், நடிகைகள் குறித்த அறிவிப்புகள் வெளியாகும் என ரசிகர்கள் ஆவலுடன் எதிர்பார்த்துக் கொண்டிருக்கின்றனர்.