நாமக்கல்லில் முட்டை ஒன்றின் கொள்முதல் விலையானது 5.50 ரூபாயாக நிர்ணயம் செய்யப்பட்டுள்ளது.
நாமக்கல் முட்டை ஒன்றின் கொள்முதல் விலை 15 காசுகள் உயர்ந்து 5.50 ரூபாயாக நிர்ணயம் செய்யப்பட்டுள்ளது. 50 ஆண்டுகால கோழிப்பண்ணை வரலாற்றிலேயே நாமக்கல் முட்டை 5.50 ரூபாய்க்கு விற்பனை செய்யப்படுவது இதுவே முதல் முறையாகும். கடந்த நான்கு நாட்களில் மட்டும் முட்டையின் விலை 45 காசுகள் வரை உயர்ந்தது.
கோழி தீவன மூலப் பொருட்களின் விலை உயர்வு, முட்டை ஒன்றின் உற்பத்தி செலவு, புதிய கோழி குஞ்சுகளை பண்ணைகளில் விடாமல் வைத்தது ஆகிய காரணங்களால் இந்த விலை உயர்வை சந்திக்க வேண்டியுள்ளதாக கோழிப்பண்ணை உரிமையாளர்கள் கூறுகின்றனர்.