உலகம் முழுவதும் சுமார் 20 கோடி பயனர்களை கொண்டுள்ள வாட்ஸ் அப் செயலி தவிர்க்க முடியாத தகவல் தொடர்பு செயலி ஆகிவிட்டது. தனது பயனர்களை தொடர்ந்து தக்க வைத்துக்கொள்ள மெட்டா நிறுவனம் அடிக்கடி மேம்பட்ட, புதிய நவீன தொழில்நுட்ப அம்சங்களை அறிமுகப்படுத்திக் கொண்டிருக்கிறது. இதற்காக தனி R&D குழு செயல்பட்டுக் கொண்டிருக்கிறது. தற்போது மற்றொரு புதிய அம்சத்தை whatsapp செயலி அறிமுகப்படுத்தியுள்ளது.
அதாவது வாட்ஸ் அப்பை பொறுத்தவரை வியூ ஒன்ஸ் எனப்படும் தகவல்களை ஒரு முறை மட்டுமே பார்த்துக் கொள்ள முடிகிற வசதி புகைப்படம் மற்றும் வீடியோ உள்ளிட்டவற்றிக்கு மட்டுமே உள்ளது. இந்நிலையில் அந்த நிறுவனம் எழுத்து வடிவ தகவல்களுக்கும் இந்த வசதியை கொண்டு வர திட்டமிட்டுள்ளதாக தெரிவிக்கப்படுகிறது. மேலும் இந்த வசதி மூலமாக அனுப்பப்படும் தகவல்களை பெறுபவர் அதனை ஸ்கிரீன் ஷாட் எடுக்கவோ, காப்பி செய்யவோ அல்லது மற்றவர்களுக்கு பகிரவோ முடியாது.