இந்தியன் 2 படப்பிடிப்பில் பிரபல கிரிக்கெட் வீரரின் தந்தை இணைந்துள்ளார்.
தமிழ் சினிமா உலகில் உச்ச நட்சத்திரமாக வலம் வருகின்றார் கமல். அண்மையில் கமல் நடிப்பில் லோகேஷ் கனகராஜ் இயக்கத்தில் வெளிவந்த விக்ரம் திரைப்படம் சூப்பர் டூப் ஹிட்டானது. சென்ற 2018 ஆம் வருடம் தொடங்கி சில காரணங்களால் நிறுத்தப்பட்ட இந்தியன்2 திரைப்படத்தின் படப்பிடிப்பு தற்போது மீண்டும் தொடங்கப்பட்டு விறுவிறுப்பாக நடந்து வருகின்றது. இந்தநிலையில் கமல் இந்தியன் 2 படத்தில் நடித்து வருகின்றார்.
இத்திரைப்படத்தில் கமலுடன் இணைந்து சமுத்திரக்கனி, பாபி சிம்ஹா, காஜல் அகர்வால், சித்தார்த், ராகுல் பிரீத் சிங், ப்ரியா பவானி சங்கர் உள்ளிட்ட பலர் நடித்து வருகின்றார்கள். இத்திரைப்படத்தை லைக்கா நிறுவனம் தயாரிக்க அனிருத் இசை அமைக்கின்றார். இந்த நிலையில் திரைப்படத்தில் முன்னாள் கிரிக்கெட் வீரரான யுவராஜ் சிங்கின் தந்தை யோக்ராஜ் சிங் இணைந்து இருக்கின்றார். இதனை அவர் தனது இணையதள பக்கத்தில் அறிவித்திருக்கின்றார். இது குறித்து அவர் பகிர்ந்த பதிவில் கூறியுள்ளதாவது, கேமராவுக்கு பின்னால் இருக்கும் அனைத்து ஹீரோக்களுக்கும் மரியாதை செலுத்துகிறேன். என்னை மேலும் அழகாக மாற்றியதற்கு மேக் அப் மேனுக்கு நன்றி. கமல்ஹாசன் உடன் இந்தியன் 2 திரைப்படத்தில் நடிக்க ரெடியாகிவிட்டேன் என கூறியுள்ளார்.