44வது செஸ் ஒலிம்பியாட் போட்டி சென்னை அடுத்த மாமல்லபுரத்தில் கடந்த 20ஆம் தேதி தொடங்கி கடந்த 10 நாட்களுக்கு மேல் நடைபெற்றுள்ளது. செஸ் ஒலிம்பியாட்டின் நிறைவு விழா (09.08.2022) அன்று சென்னை நேரு உள்விளையாட்டு அரங்கில் நடைபெற்றுள்ளது. இந்த விழாவில் பல்வேறு கலை நிகழ்ச்சிகள் அரங்கேற்றப்பட்டது. இந்த நிறைவு விழாவில் முதல்வர் ஸ்டாலின் சர்வதேச செஸ் ஒலிம்பியாட் தலைவர் மற்றும் அமைச்சர்கள் உள்ளிட்ட பலர் கலந்து கொண்டுள்ளனர். இந்த நிலையில் முதலமைச்சர் மு க ஸ்டாலின் இந்த நிகழ்ச்சி தொடர்பாக பலருக்கும் பாராட்டுகளை தெரிவித்துள்ளார்.
அந்த வகையில் தனது வலைதள பக்கத்தில் இசை புயல் ஏ ஆர் ரகுமான், உலகநாயகன் கமல்ஹாசன், இயக்குனர் விக்னேஷ் சிவன், தமிழ்நாடு காவல்துறையினர் மற்றும் குறுகிய காலத்தில் இந்த உலகளாவிய நிகழ்வுகளுக்கு தங்கள் கடின உழைப்பு ஆதரவு ஒத்துழைப்பு தந்த அனைவருக்கும் பாராட்டுக்கள் என குறிப்பிட்டு இருக்கிறார். முதல்வரின் இந்த பதிவை பகிர்ந்து ஏ ஆர் ரகுமான் மற்றும் விக்னேஷ் சிவன் இருவரும் தங்களது சமூக வலைதள பக்கத்தில் பகிர்ந்து நன்றி தெரிவித்திருக்கின்றனர். இது தொடர்பாக ஏ ஆர் ரகுமான் நிச்சயமாக இந்த வெற்றி தமிழ்நாட்டிற்கு வெளிப்படும் ஒரு பெரிய விஷயங்களுக்கான ஒரு ஆரம்பம்தான் எனக்கு குறிப்பிட்டிருக்கிறார். மேலும் விக்னேஷ் சிவன் இது ஒரு பெருமையான தருணம் பிரபஞ்சத்திற்கு நன்றி என பதிவிட்டு இருக்கிறார்.