இயற்கை எரிவாயு விநியோகம் செய்யும் காஸ்ப்ரோமின் நடவடிக்கையில் வருத்தமான ஆச்சரியம் எதுவும் இல்லை என ஐரோப்பிய கவுன்சிலின் தலைவர் சார்லஸ் மைக்கேல் கூறியுள்ளார். உக்ரைன் மீதான போர் நடவடிக்கையின் காரணமாக ஐரோப்பிய நாடுகள் ரஷ்யா மீது பல அடுக்கு பொருளாதார தடைகளை விரித்துள்ளனர். இதற்கு பதிலடி தரும் விதமாக ரஷ்யாவும் ஐரோப்பிய நாடுகளுக்கு வழங்கி வந்த எரிவாயு அளவினை பாதிக்கும் மேலாக குறைத்துள்ளது. அத்துடன் இயற்கை எரிவாயு விற்பனையில் பல புதிய நிபந்தனைகளையும் விதித்துள்ளது. அந்த வகையில் சில நாட்களுக்கு முன் ரஷ்யாவின் காஸ்ப்ரோம் நோட் ஸ்ட்ரீம் பைப் லைனில் உள்ள டர்பைன் பிள்ளை காரணமாக ஐரோப்பிய நாடுகளுக்கு இயற்கை எரிவாயு விநியோகம் நிறுத்தப்படுவதாக அறிவிக்கப்பட்டது. மேலும் அவை சரி செய்யப்படும் வரை இயற்கை எரிவாயு நிறுத்தம் தொடரும் எனவும் அறிவிக்கப்பட்டிருந்தது.
இந்த சூழலில் இயற்கை எரிவாயு வளங்களை நிறுத்தும் ரஷ்யாவின் இந்த செயலில் வருத்தமான ஆச்சரியம் இல்லை என ஐரோப்பிய கவுன்சிலின் தலைவர் சார்லஸ் மைக்கேல் கூறியுள்ளார். மேலும் எரிவாயுவை ஆயுதமாக பயன்படுத்துவது ஐரோப்பிய ஒன்றியத்தின் உறுதியை மாற்றாது விரைவில் சுதந்திரமான எரிசக்தி திட்டத்தை நோக்கிய பாதையில் எங்களுடைய வேகத்தை கூட்டும் எனவும் தெரிவித்திருக்கின்றது. அதுமட்டுமல்லாமல் எங்களுடைய முக்கிய பணி எங்களுடைய மக்களை பாதுகாப்பது மற்றும் உக்ரைனுக்கான ஆதரவை தொடர்ந்து வழங்குவது என கூறியுள்ளார்.