இணையத்தை கலக்கும் ‘வாத்தியாரே’ மீம்ஸ்… கலாய்த்து டுவீட் போட்ட சந்தோஷ் நாராயணன்…!!!

சந்தோஷ் நாராயணன் சார்பட்டா பரம்பரை ரங்கன் வாத்தியாரை கலாய்த்து டுவிட்டரில் பதிவு ஒன்றை வெளியிட்டுள்ளார்.

தமிழ் திரையுலகில் பிரபல இயக்குனர் பா.ரஞ்சித் இயக்கத்தில் ஆர்யா நடிப்பில் உருவான சார்பட்டா பரம்பரை திரைப்படம் ஓடிடியில் ரிலீஸாகி நல்ல வரவேற்பை பெற்றது. இந்த படத்தில் துஷாரா விஜயன், பசுபதி, ஷபீர், கலையரசன் உள்ளிட்ட பலர் முக்கிய கதாபாத்திரங்களில் நடித்திருந்தனர். கடந்த சில தினங்களாக இந்த படத்தில் கபிலன் கதாபாத்திரத்தில் நடித்த ஆர்யாவும், ரங்கர் வாத்தியாராக நடித்த பசுபதியும் சைக்கிளில் போகும் காட்சியை வைத்து ஏராளமான மீம்ஸ்கள் உருவாகி வருகிறது.

Enna vela seyya vidunga Vaathiyare . 😂😂 pic.twitter.com/mY3xIoRQLW

— Santhosh Narayanan (@Music_Santhosh) August 9, 2021

மேலும் இந்த மீம்ஸ்கள் மிகப்பெரிய அளவில் இணையத்தில் வைரலாகி வருகிறது . இந்நிலையில் சார்பட்டா பரம்பரை படத்திற்கு இசையமைத்த சந்தோஷ் நாராயணன் ரங்கன் வாத்தியாரை மீம்ஸ் போட்டு கலாய்த்துள்ளார். அதில் அவர் தன் மனைவியுடன் சைக்கிளில் அமர்ந்திருக்கும் புகைப்படத்தை பதிவிட்டு ‘என்ன வேலை செய்ய விடுங்க வாத்தியாரே’ என பதிவிட்டுள்ளார். அவரின் இந்த பதிவுக்கு தற்போது ஏராளமான லைக்குகள் குவிந்து வருகிறது.