ஆராய்ச்சியாளர்களை ஊக்கப்படுத்துங்க… மத்திய,மாநில அரசுகளுக்கு உயர்நீதிமன்றம் அறிவுறுத்தல்…!!!

ஆராய்ச்சியினையும் ஆராய்ச்சியாளர்களையும் ஊக்கப்படுத்த மத்திய. மாநில அரசுகளுக்கு உயர்நீதிமன்றம் அறிவுறுத்தியுள்ளது.

நாட்டின் தொழில்நுட்ப வளர்ச்சியானது விஞ்ஞானிகளின் கண்டுபிடிப்புகளையும்,ஆராய்ச்சிகளையும் பொருத்தே மதிப்பிடப்படுகின்றது .ஆராய்ச்சியாளர்களை ஊக்கப்படுத்தினால்  நம் நாடு அனைத்து துறைகளிலும் முன்னேற்றம் காணமுடியும். தற்போது நாம் மருந்துகள் தயாரிப்பதற்கான மூலப்பொருள்களுக்கு 90% சீனாவை நம்பியிருப்பதாக நீதிபதி கிருபாகரன் கவலை தெரிவித்துள்ளார்.

அது மட்டுமல்லாமல் ஒரு நாட்டையே நம்பி இருப்பதால்  தரம் குறைந்த மருந்துகள் விற்பனைக்கு வருவதாக நீதிபதி வேதனை அடைந்துள்ளார். மேலும் உள்நாட்டு ஆராய்ச்சி மற்றும் ஆராய்ச்சியாளர்களை ஊக்குவிக்கவும் மத்திய மற்றும் மாநில அரசுகளுக்கு அறிவுறுத்தியுள்ளார். உயர் நீதிமன்ற கூற்றுப்படி மருந்துகள் தயாரிப்பதற்கான மூலப்பொருட்களை நம் நாட்டிலேயே தயாரிக்கப்படும்பொழுது தரமான மருந்தினை குறைந்த விலைக்கு பொதுமக்களுக்கு கிடைக்கச் செய்யலாம்.