தமிழ் சினிமாவில் முன்னணி நடிகராக வலம் வருபவர் அஜித் . இவர் தனக்கென்று தனி ரசிகர் பட்டாளத்தையை உருவாக்கி உள்ளார். இவர் தற்போது எச்.வினோத் இயக்கத்தில் உருவாகி வரும் AK 61 படத்தில் நடித்து வருகிறார். இதன் படப்பிடிப்பு பல்வேறு பகுதிகளில் நடந்து உள்ளது. அடுத்த கட்ட படப்பிடிப்பை வெளிநாட்டில் நடத்த படக்குழு திட்டமிட்டுள்ளது. இப்படத்தின் படப்பிடிப்புகளுக்கு இடையில் அஜித் சுற்றுப்பயணம் மேற்கொண்டு வருகிறார். சில வாரங்களுக்கு முன்பு சென்னையிலிருந்து விமான மூலம் லடாக் சென்று அங்கிருந்து இமயமலை பகுதியில் சுற்றுப்பயணம் செய்து வருகிறார்.
அதுமட்டுமில்லாமல் இயற்கை காட்சிகளை ரசித்தபடி செல்லும் அவரது பைக் சாகச பயணம் புகைப்படங்கள் அவ்வப்போது வலைதளத்தில் வெளியாகி வைரலாகி வருகிறது. இந்த பயணத்தில் அஜித்துடன் நடிக்க மஞ்சுவாரியரும் இணைந்துள்ளார். பயணத்தில் தன்னையும் சேர்த்துக் கொண்டதற்காக அஜித்துக்கு அவர் நன்றி தெரிவித்து வலைதளத்தில் பதிவு வெளியிட்டிருந்தார். இந்நிலையில் நடிகர் அஜித் பத்ரிநாத், கேதர்நாத் கோவில்களுக்கு சென்று சாமி தரிசனம் செய்து உள்ளார். இந்த புகைப்படம் தற்போது இணையதளத்தில் வைரலாகி வருகிறது.
