ஆசிரியர் தேர்வு வாரியமான டி.ஆர்.பி செய்தி குறிப்பு ஒன்றை வெளியிட்டுள்ளது. அதில் கூறப்பட்டிருப்பதாவது, அனைத்து மாநிலங்களிலும் கடந்த 2010 -ஆம் வருடம் முதல் ஆசிரியர் தகுதி தேர்வு நடத்தப்பட்டு அதில் தேர்ச்சி பெறும் நபர்கள் ஆசிரியர்களாக நியமிக்கப்பட்டு வருகின்றனர். அந்த வகையில் தமிழகத்தில் இந்த வருடத்திற்கான தேர்வு கடந்த அக்டோபர் 14-ஆம் தேதி முதல் 19-ஆம் தேதி வரை நடத்தப்பட்டுள்ளது. அதில் 1 லட்சத்து 53 ஆயிரத்து 233 பேர் தேர்வு எழுதியுள்ளனர். இதற்கான தேர்வு முடிவுகள் டிசம்பர் 7-ஆம் தேதி தேர்வு வாரிய இணையதளத்தில் வெளியாகி உள்ளது.
இதனையடுத்து அதில் தேர்வு தாள் ஒன்றில் 21 ஆயிரத்து 543 பேர் இடைநிலை ஆசிரியர் பணிக்கு தேர்ச்சி பெற்றுள்ளனர். மேலும் தேர்ச்சி பெற்றவர்கள் சான்றிதழை டி.ஆர்.பி யின் http://trb.tn.nic.in/என்ற இணையதளத்தில் மூன்று மாதம் வரை பதிவிறக்கம் செய்து கொள்ளலாம். மேலும் விண்ணப்பதாரர்கள் விண்ணப்பத்தில் திருத்தம் செய்ய ஏற்கனவே அவகாசம் வழங்கப்பட்டுள்ளது. அதனால் தற்போது திருத்தம் செய்வதற்கான கோரிக்கையின் மீது எந்த நடவடிக்கையும் மேற்கொள்ளப்படாது என அந்த செய்தி குறிப்பில் கூறப்பட்டுள்ளது.