கோயம்புத்தூர் மாவட்டத்தில் உள்ள நிர்மலா கல்லூரியில் திவ்யஸ்ரீ என்ற மாணவி பி.காம் முதலாம் ஆண்டு படித்து வருகிறார். இந்த மாணவி மத்திய பிரதேச மாநிலத்தில் உள்ள போபாலில் நடைபெற்ற 17-வது யூத் அத்லெடிக் சாம்பியன்ஷிப் விளையாட்டு போட்டியில் கலந்து கொண்டார்.
இந்நிலையில் 18 வயதுக்கு உட்பட்ட பிரிவில் நடந்த மும்முறை தாண்டுதல் போட்டியில் கலந்து கொண்ட திவ்யஸ்ரீ முதலிடம் பிடித்து தங்கப்பதக்கமும், நீளம் தாண்டுதல் போட்டியில் 2-வது இடத்தை பிடித்து வெள்ளிப்பதக்கமும் வென்று சாதனை படைத்துள்ளார். இதனையடுத்து தங்கப்பதக்கம் வென்றதன் மூலம் அவர் அடுத்த மாதம்(அக்டோபர்) குவைத்தில் நடக்கும் ஆசிய அளவிலான போட்டியில் பங்கேற்க தேர்வாகியுள்ளார். அவரை கல்லூரி நிர்வாகத்தினரும், பேராசிரியர்களும் பாராட்டியுள்ளனர்.