உலக அளவில் அதிக சராசரி சம்பளம் வாங்கும் நாடுகளின் பட்டியல் வெளியிடப்பட்டுள்ளது.
CEOWORLD இதழ் உலக அளவில் அதிக சராசரி சம்பளம் வாங்கும் நாடுகளின் பட்டியலை வெளியிட்டுள்ளது. அதன்படி சுவிட்சர்லாந்து அதிக சராசரி சம்பளம் வாங்கும் நாடுகளில் முதலிடத்தை பிடித்துள்ளது. இங்கு மாதம் நிகர சராசரி சம்பளமாக 6142.10 அமெரிக்க டாலர்கள் வாங்கப்படுகிறது. அதன்பிறகு சிங்கப்பூர் 2-வது இடத்தை பிடித்துள்ளது. இங்கு 4350.79 அமெரிக்க டாலர்கள் மாதம் நிகர சராசரி சம்பளமாக வாங்கப்படுகிறது.
இதனையடுத்து ஆஸ்திரேலியா 3-வது இடத்தையும், அமெரிக்கா 4-வது இடத்தையும், ஐக்கிய அரபு அமீரகம் 5-வது இடத்தையும் பிடித்துள்ளது. இந்த பட்டியலில் கடைசி இடத்தை இலங்கை பிடித்துள்ளது. ஏனெனில் இலங்கையில் மாதம் நிகர சராசரி சம்பளமாக 143.62 அமெரிக்க டாலர்கள் மட்டுமே வாங்கப்படுகிறது. இதைத்தொடர்ந்து பாகிஸ்தான் 163.17 அமெரிக்க டாலர்களும், நைஜீரியா 166.33 அமெரிக்க டாலர்களும் ]வாங்கி குறைந்த சம்பளம் வழங்கும் பட்டியலில் இடம் பெற்றுள்ளது.