மோகன் ராஜா இயக்கி வரும் லூசிபர் தெலுங்கு ரீமேக் படத்தில் நயன்தாரா இணைந்துள்ளார்.
மலையாள திரையுலகில் கடந்த 2019-ஆம் ஆண்டு மோகன்லால் நடிப்பில் வெளியாகி சூப்பர் ஹிட் அடித்த திரைப்படம் லூசிபர். தற்போது இந்த படம் தெலுங்கில் ரீமேக் செய்யப்பட்டு வருகிறது. மோகன் ராஜா இயக்கும் இந்த படத்தில் சிரஞ்சீவி கதாநாயகனாக நடிக்கிறார். இந்த படத்தின் படப்பிடிப்பு தற்போது விறுவிறுப்பாக நடைபெற்று வருகிறது.
மேலும் இந்த படத்தில் நடிகை நயன்தாரா முக்கிய கதாபாத்திரத்தில் நடிக்க இருப்பதாக கூறப்பட்டது. இந்நிலையில் சமீபத்திய பேட்டி ஒன்றில் லூசிபர் தெலுங்கு ரீமேக் படத்தில் நடிப்பதை நயன்தாரா உறுதி செய்துள்ளார். இதன் மூலம் மோகன் ராஜாவுடன் நயன்தாரா மூன்றாவது முறையாக இணைந்து பணியாற்ற இருக்கிறார். ஏற்கனவே மோகன்ராஜா இயக்கத்தில் வெளியான தனி ஒருவன், வேலைக்காரன் ஆகிய படங்களில் நயன்தாரா நடித்திருந்தார் என்பது குறிப்பிடத்தக்கது.