தமிழ் திரையுலகின் முன்னணி நடிகைகளில் ஒருவர்தான் அம்பிகா. இவர் கண் அழகால் ரசிக்க வைத்த ஒரு நாயகி ஆவார். இவர் தமிழ், தெலுங்கு, மலையாளம், கன்னடம், ஹிந்தி மற்றும் ஒரு ஆங்கில திரைப்படமும் நடித்து இருக்கிறார். கடந்த 1979 ஆம் வருடம் சக்களத்தி என்ற படத்தின் வாயிலாக அம்பிகா தமிழில் அறிமுகமானார். பல்வேறு வெற்றி திரைப்படங்களில் கதாநாயகியாக நடித்து வந்த இவர் 1997 ஆம் வருடம் முதல் துணை கதாபாத்திரங்களை ஏற்று நடித்து வருகிறார்.
சன் தொலைக்காட்சியின் நாயகி சீரியலில் நடிக்கும் அம்பிகா சில நடன நிகழ்ச்சிகளிலும் நடுவராக இருந்து வருகிறார். இதற்கிடையில் நடிகை அம்பிகாவுக்கு 2 திருமணம் நடந்துள்ளது. எனினும் இரண்டுமே விவாகரத்தில் தான் முடிந்துள்ளது. இவருக்கு ராம்கேசவ் மற்றும் ரிஷிகேஷ் என்ற இரண்டு மகன்கள் இருக்கின்றனர். தற்போது நடிகை அம்பிகா தன் மகன் ராம்கேசவுடன் எடுத்த புகைப்படமானது இணையத்தில் வைரலாகி வருகிறது.