இயக்குனர் அட்லீ திருமணத்தின் போது எடுத்த வெளிவராத புகைப்படம் தற்போது வெளியாகியுள்ளது.
தமிழ் சினிமாவில் முன்னணி இயக்குனராக வலம் வருபவர் அட்லி. இவர் இயக்கத்தில் வெளிவந்த அனைத்து படங்களுமே பிளாக்பஸ்டர் வெற்றி பெற்றிருக்கின்றது. இவர் இறுதியாக இயக்கிய விஜய்யின் “பிகில்” படமும் பிளாக்பஸ்டர் வெற்றி பெற்றது. பிகில் படத்திற்கு பிறகு அட்லி ஷாருக்கானின் திரைப்படத்தை இயக்குகின்றார். இத்திரைப்படத்தில் ஷாருக் கானுக்கு ஜோடியாக லேடி சூப்பர் ஸ்டார் நயன்தாரா நடித்திருக்கின்றார். இத்திரைப்படத்திற்கு “லயன்” என்று பெயரிடப்பட்டிருக்கிறது. இதைத் தொடர்ந்து அட்லி தளபதி விஜயின் திரைப்படத்தை இயக்க போவதாக தகவல் வெளிவந்திருக்கின்றது.
இந்நிலையில் இயக்குநர் அட்லியின் திருமணத்தின் போது எடுக்கப்பட்ட வெளிவராத புகைப்படமொன்று தற்போது வெளியாகியிருக்கின்றது. அப்புகைப்படத்தில் நயன்தாரா நடிகர் ஆர்யாவுடன் திருமணத்தில் பங்கேற்று இருக்கின்றார். அந்த திருமணத்தின் போதுதான் அட்லி ராஜாராணி படத்தை இயக்கிக் கொண்டிருந்தார். ராஜா ராணி திரைப்படத்தில் ஆர்யாவும் நயன்தாராவும் நடித்திருந்தது குறிப்பிடத்தக்கது.