“அடுத்தது அஜித் படத்தை இயக்குகின்றீர்களா…?” ரசிகரின் கேள்விக்கு பதில் அளித்த இளம் இயக்குனர்….!!!!!!

அஜித் திரைப்படத்தை இயக்குவதை பற்றி இளம் இயக்குனர் ஸ்ரீ கணேஷ் பேசியுள்ளார்.

தமிழ் சினிமா உலகில் முன்னணி நடிகராக வலம் வருகின்றார் அஜித். இவர் தற்போது இளம் இயக்குனர்களின் இயக்கத்தில் நடித்து வருகின்றார். அஜித், வினோத் இயக்கத்தில் வெளியான நேர்கொண்ட பார்வை திரைப்படத்தின் வெற்றியை தொடர்ந்து இவர்கள் கூட்டணியில் வலிமை திரைப்படம் சில மாதங்களுக்கு முன்பாக ரிலீசானது. இத்திரைப் படம் ரசிகர்களின் எதிர்பார்ப்பை பூர்த்தி செய்யாவிட்டாலும் வசூலில் நல்ல வெற்றியை பெற்றது. இதையடுத்து அஜித் , வினோத் இயக்கத்தில் நடித்து வருகின்றார். இத்திரைப்படம் ஏகே 61 என கூறப்பட்டு வருகின்றது. இதையடுத்து விக்னேஷ் சிவன் இயக்கத்தில் அஜித் நடிக்க இருக்கின்ற திரைப்படம் ஏகே62 என அழைக்கப்படும் நிலையில் அனிருத் இசையமைக்க லைகா நிறுவனம் தயாரிக்கின்றது.

இத்திரைப்படத்தின் படப்பிடிப்பு இவ்வருடத்தின் இறுதியில் துவங்க உள்ள நிலையில் அடுத்ததாக ஒரு இளம் இயக்குனரின் இயக்கத்தில் நடிக்க இருக்கின்றாராம். இத்திரைப்படத்தை இளம் இயக்குனர் ஸ்ரீ கணேஷ் இயக்க இருக்கின்றாராம். இயக்குனர் ஸ்ரீ கணேஷ் ரசிகர்களிடம் உரையாடிய பொழுது ரசிகர் ஒருவர் அடுத்ததாக நீங்கள் அஜித் படத்தை இயக்குகின்றீர்களா? என கேட்டார். அதற்கு ஸ்ரீ கணேஷ் கூறியுள்ளதாவது, உங்கள் வார்த்தைகளுக்கு நன்றி. என்னால் தற்போது ஏதும் சொல்ல முடியாது. என் அடுத்த திரைப்படத்தின் அறிவிப்பை விரைவில் வெளியிடுவேன் என கூறியுள்ளார்.