“மும்பை போலீஸ்” தெலுங்கு ரீமேக் படத்தில் சுதீர் பாபு நடித்து வருகின்றார்.
சமீபமாக மலையாளத்தில் ஹிட்டான திரைப்படங்கள் தெலுங்கில் தொடர்ந்து ரீமேக்காகி வருகின்றது. அதிலும் குறிப்பாக நடிகர் பிரித்திவிராஜ் நடித்த படங்களை அதிகம் ரீமேக் செய்யப்படுகின்றன. அந்த வகையில் பிரித்திவிராஜ் நடித்த ஐயப்பன் ஜோசியம் திரைப்படம் சில மாதங்களுக்கு முன்பு பவன் கல்யாண் நடிப்பில் பீம்லா நாயக் என்ற பெயரில் வெளியானது.
பிரித்திவிராஜ் இயக்கியும் முக்கிய வேட த்திலும் நடித்திருந்த லூசிபர் திரைப்படம் தற்போது சிரஞ்சீவி நடிப்பில் காட்பாதர் என்ற பெயரில் நேற்று வெளியாகி வெற்றியும் பெற்றுள்ளது.
இந்நிலையில் சில ஆண்டுகளுக்கு முன்பு பிரித்திவிராஜ் நடிப்பில் மலையாளத்தில் வெளியாகி சூப்பர் ஹிட்டான “மும்பை போலீஸ்” என்ற திரைப்படமும் தற்போது தெலுங்கில் ரீமேக் ஆகி வருகின்றது. மலையாளத்தில் ரோஷன் ஆண்ட்ரூஸ் இயக்கிய இந்த படம் தெலுங்கில் மகேஷ் என்பவர் இயக்கத்தில் “ஹன்ட்” என்ற பெயரில் ரீமேக் செய்யப்பட்டுள்ளது. மேலும் இந்த படத்தில் கதாநாயகனாக சுதீர் பாபு நடித்துள்ளார். இந்தப் படத்தின் ரீமேக்கில் இவர் நடிப்பதை ஒரு துணிச்சலான முயற்சி என்று சொல்லலாம் காரணம் இந்த படத்தில் கதையின் நாயகன் அதிரடி போலீஸ் ஆபீசர்.
ஆனால் நிஜத்தில் அவருக்கு இருக்கும் இன்னொரு முகம் தான் ஹோமோ செக்சுவல் முகம்.
இதனை தொடர்ந்து மலையாளத்தில் மற்ற ஹீரோக்கள் அனைவரும் தயங்கிய போது பிரித்விராஜ் மட்டும் இமேஜ் பற்றி கவலைப்படாமல் தைரியமாக முன்வைத்து நடித்து பாராட்டை பெற்றுள்ளார். இப்போது அதே கதாபாத்திரத்தில் சுதீர் பாபு ஏற்று நத்டிதுள்ளார். மேலும் முக்கிய வேடத்தில் நடிகர் பரத் நடித்துள்ளார். இந்த படத்தின் டீசர் தற்போது வெளியாகி வைரலாகி வருகிறது.