தமிழ் சினிமாவில் பிரபலமான நடிகராக வலம் வரும் அசோக் செல்வன் நடிப்பில் சமீபத்தில் மன்மத லீலை மற்றும் ஹாஸ்டல் என்ற திரைப்படங்கள் வெளியானது. இந்த படங்களை தொடர்ந்து தற்போது அறிமுக இயக்குனர் கார்த்திக் இயக்கத்தில் நித்தம் ஒரு வானம் என்ற திரைப்படத்தில் நடித்து வருகிறார். இந்தப் படத்தில் அபர்ணா பால முரளி, ரித்து வர்மா மற்றும் சிவாத்மிகா ராஜசேகர் ஆகியோர் முக்கிய வேடங்களில் நடித்துள்ளனர்.
இந்நிலையில் வியோகம் ஸ்டுடியோஸ் தயாரித்துள்ள நித்தம் ஒரு வானம் திரைப்படத்திற்கு, கோபி சுந்தர் இசை அமைக்கிறார். இந்த படத்தின் பெண் கதாபாத்திரங்களை சமீபத்தில் போஸ்டர் மூலம் அறிமுகப்படுத்திய பட குழு தற்போது மீண்டும் ஒரு புதிய போஸ்டரை வெளியிட்டுள்ளது. அதன்படி படத்தில் ஹீரோ வீரா, பிரபா மற்றும் அர்ஜுன் என்ற 3 வேடங்களில் நடிக்கிறார். மேலும் நித்தம் ஒரு வானம் படத்தின் புதிய போஸ்டர் தற்போது இணையதளத்தில் வைரலாகி வருகிறது.