திமுக தலைவர் ஸ்டாலின் முதல்வராக பதவியேற்ற பிறகு தாக்கல் செய்யப்படும் இரண்டாவது பட்ஜெட் இது. கடந்த ஆண்டு ஆகஸ்ட் மாதம் திமுக அரசின் இடைக்கால பட்ஜெட் தாக்கல் செய்யப்பட்டது. தற்போது தலைமைச் செயலகத்தில் 2022-2023 ஆம் ஆண்டுக்கான தமிழக பட்ஜெட் கூட்டத்தொடர் தொடங்கி நடைபெற்று வருகிறது. இந்த நிதியாண்டுக்கான காகிதமில்லா தமிழக பட்ஜெட் சட்டப்பேரவையில் தாக்கல் செய்யப்பட்டது.
இரண்டாவது முறையாக பட்ஜெட்டை நிதியமைச்சர் பழனிவேல் தியாகராஜன் பேரவையில் தாக்கல் செய்தார். பட்ஜெட் உரை முழுவதையும் தமிழில் வாசித்தார். தமிழில் வாசித்து முடித்த பின்னர் பிற நாடுகளில் இருக்கும் பொருளாதார நிபுணர்கள் மற்றும் முதலீட்டாளர்களுக்கு புரிய வேண்டும் என்பதற்காக பட்ஜெட்டின் ஒரு பகுதியை ஆங்கிலத்திலும் அவர் வசித்து வருகிறார்.