எம்.எம்.கீரவாணி பாகுபலி, ஆர்.ஆர்.ஆர்., நான் ஈ, மாவீரன் உள்ளிட்ட பல படங்களுக்கு இசையமைத்த பிரபல இசையமைப்பாளர் எம்.எம்.கீரவாணியின் தாயார் புதன்கிழமை மதியம் காலமானார். உடல் நலக்குறைவால் அவதிப்பட்டு வந்த அவரை 3 நாட்களுக்கு முன்பு அவரது குடும்பத்தினர் கிம்ஸ் மருத்துவமனையில் அனுமதித்தனர்.
மருத்துவமனையில் சிகிச்சை பெற்று வந்த அவரது உடல்நிலை மோசமடைந்து இன்று உயிர் பிரிந்தது. இதனால் குடும்பமே சோகத்தில் மூழ்கியது. கீரவாணி தனது தாயின் மரணத்தால் மிகவும் சோகத்தில் ஆழ்ந்தார். இவரது மறைவுக்கு திரையுலக, அரசியல் பிரபலங்கள் இரங்கல் தெரிவித்து வருகின்றனர்.